At this time, you need a good hair extensions care essence oil to get rid of the hair extensions uk troubles, Ma Xinni "crystal diamond powder bottle", its ultra-high value, rich in pearl honey essence, can be deep repair Protect the damaged remy hair extensions, no longer have to worry about the damage caused by the powerful hot air of the clip hair dryer.
Guggenmusik Schlosshüüler Lostorf

Schlosshuuler Blog

  Archiv

Saison verlängeret...

Sa 08.03.2014 20:00
Autor: Thomas Huber

Nachem klägliche Usscheide vom EHC Olte i de Playoff am Zischtig, esches au för eus Ziit worde zom euses Kostüm a Nagel hänke... esch leider nüt worde metem Final-Uftritt als Trikotsponsor :-) 

Nachere durchzechte Beizetour am Donnstig ond em Oswärtsspiel i de Innerschwiiz in Steihuuse am Fritig, hei mer  am Samstig a de Gugge uf de Gass Olte unsicher gmacht. Es witers Highlight esch am Sonntig de Omzog met vielne Bsuecher ond eme krachende Monsterkonzert gsi. Die chorzi Verschnuufpause am Mäntig het eus die nötig Energie gäh, zom am Zistig nomou euses Beschte uf de Chilestäge am Gugge-Obe chöne zeige. Tonufnahme vo eusem Uftritt findet ehr i eusem Repetoire. Als krönende Abschluss vo dere wondervolle Fasnacht hei mer meteme gmeinsame Uftritt de Adi als Tambi vo de Guggi Zunft dörfe verabschiede... 100dB+ wo no lang i eus wärde nochehalle!

Mer legge jez aber ned wie de EHCO onter Palme ond schlörfe Cocktails, nei be eus got i zwöi Woche nomol rechtig Poscht ab am Brandon de Moudon. Mer freue eus uf luutstarchi Onterstötzig ond veli bekannti Gsichter a eusem Oswärtsspiel.

Fotis vo de ganze Fasnacht fendet ehr i eusere Galerie oder i eusere brandneue gratis App för iOS ond Android.

Zodem hei mer Full-HD Videos vo eusne 6 neue Lieder veröffentlicht, die findet ehr uf usem Youtube-Kanal oder natürli au i eusere App:

All Of The Lights - Kayne West
I Knew You Were In Trouble - Taylor Swift
Hall Of Fame - The Script
Eurodance-Medley - Diverse Interpreten
Locked Out Of Heaven - Bruno Mars
Ecstasy Of Gold - Jay Z / Ennio Morricone

 

Kommentare (1)

Sozialwäse

Di 04.03.2014 09:00
Autor: Thomas Huber

Mer engagiere eus ned nor sozial-medial uf Facebook, Youtube oder sit neustem met eusere eigene Smartphone-App. Mer bringe dFasnacht scho sit Joore zo eusne Chlinschte im Kantonsspital, spiele im Alterheim för eusi Vorfahre oder bsueche eusi Mitmönsche im Pflegeheim. Höt begleitet de Social-Media-Webmaster "Tom" euse Social-Therapist "Sämi" a sis Heimspiel im Buechehof:

Zeit Auftritt Ort
14:00 Uhr Kinderumzug Lostorf
16:00 Uhr Buechehof Mahren
21:40 Uhr Gugge-Bühne Olten
23:30 Uhr Chelestäge Olten

 

Nachem finale Uftritt uf de Chelestäge esch för eus denn d'Oltner-Fasnacht leider scho weder verbi. Wär aber vo eus noni gnueg het, cha i rond zwöiehalb Woche met is Wälsche cho, wo mer es Wocheänd z'Gast sind am riisige Brandon de Moudon. Hets di sogar so fescht packt das der zuelose eleige nöme längt ond be eus wettsch aktiv metmache, mäld di doch be eusem (a)soziale Präsident.

 

Wir ziehen um...

So 02.03.2014 12:00
Autor: Thomas Huber

Nachdem sech die Gröcht rond om euses EHCO-Engagement als teilwiis rechtig usegstellt hend, freue mer eus höt ufe Umzug nach Olte. Mangels finanzielle Mittel vo de Stadt, hend sie aber chorzom entschiede das mer eus i de neue Südkurve vom Chliholz chöne niederlo. Wäg de neue Verchehrsfüerig in Olte chame aber nöm direkt is Chliholz ufefahre, sondern muess folgendi Umzugs-Route näh:

Chilegass – Baslerstross – Römerstross – Amtshusquai – Frohburgstross – Ringstross – Bleichmattstross – Ziegelfeldstross – Ziegelackerstross – Solothurnerstross

Do euse Umzug müesamerwiis sogar no dor die millionetüüri Fuessgänger-Zone goht, wäre mer froh om jede Hälfer wo chont cho Chischte schleppe. Treffpunkt esch 14:00 Uhr bem Nr. 13 zwösche Hammer ond Bornblick... see you!

Kommentare (1)

Salsiccia-Festival

Sa 01.03.2014 09:00
Autor: Thomas Huber

Euse schärfschti ond heissischti Tschingg "Tschitschi" freut sech höt uf veli Fasnächtler am Stand vom weltbeschte Grilleur "Leo" ufem Munzingerplatz in Olte. Doch ned nor ER esch scharf ond heiss uf euch, nei au dSalsiccia sind guet temperiert ond brenne liecht uf de Zonge. Insieme a noi che gioca oggi:

Zeit Auftritt Ort
11:30 Uhr Umzug Lostorf
14:30 Uhr Kindermaskenball Obergösgen
16:20 Uhr oberer Graben Olten
17:00 Uhr Chelestäge Olten
19:20 Uhr SURPRISE Olten
20:00 Uhr vor Rest. Löwen Olten
21:00 Uhr oberer Graben Olten
21:40 Uhr Stadttheater Olten
22:40 Uhr Chelestäge Olten
23:20 Uhr HC-Zelt Olten
Seite 1  2  3  4  5  6  7

 

NEWS

03.10.2018

La Crêperie 2018 - Herzlichen Dank

12.01.2018

Im Landeanflug

13.11.2017

AufTAKT gelungen

Termine

11.11.2018

Fasnachtsbeginn

24.11.2018

Jubifest Fronalpchessler

Geburtstage

24.10.1973

Barbara Zimmerlin

Umsetzung: apload GmbH © 2010 Guggenmusik Schlosshüüler Lostorf