Schlosshuuler Blog

  Archiv

Sozialwäse

Di 04.03.2014 09:00
Autor: Thomas Huber

Mer engagiere eus ned nor sozial-medial uf Facebook, Youtube oder sit neustem met eusere eigene Smartphone-App. Mer bringe dFasnacht scho sit Joore zo eusne Chlinschte im Kantonsspital, spiele im Alterheim för eusi Vorfahre oder bsueche eusi Mitmönsche im Pflegeheim. Höt begleitet de Social-Media-Webmaster "Tom" euse Social-Therapist "Sämi" a sis Heimspiel im Buechehof:

Zeit Auftritt Ort
14:00 Uhr Kinderumzug Lostorf
16:00 Uhr Buechehof Mahren
21:40 Uhr Gugge-Bühne Olten
23:30 Uhr Chelestäge Olten

 

Nachem finale Uftritt uf de Chelestäge esch för eus denn d'Oltner-Fasnacht leider scho weder verbi. Wär aber vo eus noni gnueg het, cha i rond zwöiehalb Woche met is Wälsche cho, wo mer es Wocheänd z'Gast sind am riisige Brandon de Moudon. Hets di sogar so fescht packt das der zuelose eleige nöme längt ond be eus wettsch aktiv metmache, mäld di doch be eusem (a)soziale Präsident.

 

Wir ziehen um...

So 02.03.2014 12:00
Autor: Thomas Huber

Nachdem sech die Gröcht rond om euses EHCO-Engagement als teilwiis rechtig usegstellt hend, freue mer eus höt ufe Umzug nach Olte. Mangels finanzielle Mittel vo de Stadt, hend sie aber chorzom entschiede das mer eus i de neue Südkurve vom Chliholz chöne niederlo. Wäg de neue Verchehrsfüerig in Olte chame aber nöm direkt is Chliholz ufefahre, sondern muess folgendi Umzugs-Route näh:

Chilegass – Baslerstross – Römerstross – Amtshusquai – Frohburgstross – Ringstross – Bleichmattstross – Ziegelfeldstross – Ziegelackerstross – Solothurnerstross

Do euse Umzug müesamerwiis sogar no dor die millionetüüri Fuessgänger-Zone goht, wäre mer froh om jede Hälfer wo chont cho Chischte schleppe. Treffpunkt esch 14:00 Uhr bem Nr. 13 zwösche Hammer ond Bornblick... see you!

Kommentare (1)

Salsiccia-Festival

Sa 01.03.2014 09:00
Autor: Thomas Huber

Euse schärfschti ond heissischti Tschingg "Tschitschi" freut sech höt uf veli Fasnächtler am Stand vom weltbeschte Grilleur "Leo" ufem Munzingerplatz in Olte. Doch ned nor ER esch scharf ond heiss uf euch, nei au dSalsiccia sind guet temperiert ond brenne liecht uf de Zonge. Insieme a noi che gioca oggi:

Zeit Auftritt Ort
11:30 Uhr Umzug Lostorf
14:30 Uhr Kindermaskenball Obergösgen
16:20 Uhr oberer Graben Olten
17:00 Uhr Chelestäge Olten
19:20 Uhr SURPRISE Olten
20:00 Uhr vor Rest. Löwen Olten
21:00 Uhr oberer Graben Olten
21:40 Uhr Stadttheater Olten
22:40 Uhr Chelestäge Olten
23:20 Uhr HC-Zelt Olten

Oswärtsspiel

Fr 28.02.2014 09:00
Autor: Thomas Huber

Verschiedeni Quelle bhaupte, de EHC Olte spielt am diesjöhrige Playoff-Final i eusem Kostüm ome Ufstiig id Nationalliga A. Als zuekönftige Trikot-Sponsor sind mer drom iglade as hötige Oswärtsspiel ond ziend zäme met eusem langjährige EHCO-Experte "Matthias" dors Land: 

Zeit Auftritt Ort
14:30 Uhr Kantonsspital Aarau
22:00 Uhr Guggernacht Steinhausen
01:15 Uhr Maskenball Obergösgen

 

Us Dateschutz-Gründ hend mer eus leider müesse vermumme ond so das omstrittene Burka-Verbot missachte. Es längt jo aber scho, das mer zOlte dor die fiisi Foto-Falle marschiert sind ond das Bild do entstande esch... wahrschinlech simer z'schnell dor 20er-Zone gloffe :-)

Seite 1  2  3  4  5  6  7

 

NEWS

12.01.2018

Im Landeanflug

13.11.2017

AufTAKT gelungen

03.10.2017

10 Jahre La Crêperie – Herzlichen Dank

Termine

25.08.2018

Tagesausflug Grindelwald

29.08.2018

Vereinsversammlung

Geburtstage

16.08.1978

Maik Noack

Umsetzung: apload GmbH © 2010 Guggenmusik Schlosshüüler Lostorf